Plantun de Prouvènço

Pèr coumpara dos planto d'encò nostre

Arthrocnemum macrostachyum & Lilium martagon

Engano(-verdalo)

Arthrocnemum macrostachyum

Amaranthaceae Chenopodiaceae

Àutri noum : Perso-pèiro, Salicor, Sausouiro, Sansouiro.

Nom en français : Salicorne glauque.

Descripcioun :
Aquesto engano, que s'atrobo soulamen en ribo de la Mieterrano dins li mitan sala, èi lignouso e formo de bouissoun. Se recounèis à si pouncho qu'an uno escavaduro (fotò), e à si pichòti lojo simplo que soubron après la cabusso di grano (fotò). Coumpara emé Sarcocomia fruticosa.

Usanço :
Lis engano soun coumestiblo e se manjon en ensalado se soun pas trop duro, e peréu esboulentado, adoubado coume de baneto. Bèn li lava que pòu i'agué de parasite dangeirous (letouspiròsi dóu ragoundin e douvo dóu fege).

Port : Aubret
Taio : Pancaro entresigna
Fueio : ges
Tipe bioulougico : Faneroufite
Cicle bioulougico : Planto renadivo

Gènre : Arthrocnemum
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Mar - Sansouiro - Sablo
Estànci : Termoumediterran
Couroulougi : Pancaro entresigna
Ref. sc. : Arthrocnemum macrostachyum (Moric.) K.Koch, 1853 (= Arthrocnemum glaucum Ung.-Sternb., 1876 )

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.